mang BADoy

Dahil sa na-uso ang pag-babasa ng blog sa ibat ibat parte ng mundo ay naisipang kong gumawa ng akin(para maging in! malay nyo sumikat ako at maging mayaman dahil sa blog! lol!), para mai-share ko man lang ang kakapirangot na laman ng utak ko kung meron man, nawa’y may mag aksaya ng panahon para basahin at laitin ang aking mga susunod na lathala.

bago ko sabihin kung ano ang aking plano sa susunod na labas ng aking mga lathala ako muna’y mag-papasalamat sa mga taong naging inspirasyon sa pag-gawa ng walang kwentang blog na ito. Batian na to so itotodo ko na!!! Una na dyan ang astig na si badoodles na sa sobrang hangang hanga ako sa pag-sasa ayos ng kanyang mga titik para maging isang sanaysay. Ikalawa ay ang g-spot ni giselle sanchez na tambling ako sa husay mag-sulat. Sanay kahit papano ay makuha ko ang galing at teknik ninyo sa pag-susulat. Ikatlo ay ang aking pamilya na walang sawang sumusuporta at nagmamahal sakin kahit na pasaway ako. Ika-apat ang akin mahal sa buhay at partner for life na si Bebeko. Ika-lima, syempre si Papa God kailangan pa bang imemorize ito? Bisyo na to!!!

Target ko makasulat ng isang entry kada linggo kung hindi susumpungin ng epidemyang kalat sa pinas ang ‘katamaran‘.Kung bakit ba naman napakasarap matulog ng maghapon at mag-movie marathon twing weekends kesa mag blog or mag-basa ng libro/blog. Di gaya twing weekdays at office hours na palihim pkong nag-babasa sa office ng blog exciting kasi baka mahuli ni boss! Balak ko rin talakayin ang mga sensitibong paksa tulad ng politika, life, work career, pag-ibig, negosyo, finance, current events, family related, religion at ang hilig nating mga pinoy ang shobiz! Ako rin ay mag-susulat ng aking mga paboritong libro na nabasa, pelikulang napanuod, astig na jokes, makabuluhang at makahulugan quotation ng kung sino sinong manunulat, at syempre ang obserbasyon ko sa mga bansang aking napuntahan gaya ng Malaysia, Singapore at Pilipinas at bansang pupuntahan pa lang.

mapapansin nyo rin na sa mga susunod kong lathala na may pag-ka seryoso (sana minsan lang) at mapanuri sa ibat-ibang bagay at issue, normal na siguro sa tao ang manuri at maging kritiko ng kung ano-ano. Tatapusin ko ang aking lathala sa isang quotation mula sa nanay ni giselle sanchez (akala mo kung sino akong ka-close lang si giselle di ba?) hahahah nabasa ko lang sa g-spot.

“Blessings are given by the Lord in your hand 4 u 2 pass them 2 others who need it.
You are lucky because the blessings are passed to your hand.
Would you rather be the hand that gives or the hand that asks?”

Sabi nga ng aking guro nung high-school, ang pag-aaral 2 way learning yan, both students & teachers should learn from each other. So I hope thru my blog maaliw at maging makabuluhan naman ang mga sinulat ko para sa inyo! pero kung pera or financial ang kelangan nyo? kay PRES. ARROYO kayo humingi laki ng na kick BACK nya sa ZTE (kung mapapatunayan, ganun tlga may disclaimer kagad baka mademanda ako heheheh!)

Ciao!!! I will post another issue this week.

P.S.

Natapos ang buong lathala ngunit di ako nag-pakilala tama ba? Kaya nga isinama ang tab na ‘About’ para dun ilagay kung sino ako at san ako nang-galing. Tumpak! hindi ako taeng nalaglag lang sa kalabaw. Tao din ako may puso at damdamin! <ouch!!!>